4. Дээд зовхины унжилт (Птоз) гэж юу вэ?

Сайн байцгаана уу.

Гоо сайхны мэс заслын мэргэжлийн эмч Ю Ён Мүн байна.

Нүдний гоо сайхны мэс заслын талаар мэдээлэл хайж байхад хамгийн их тааралддаг үгсийн нэг бол «дээд зовхины унжилт» буюу птоз юм.

Нэг ч удаа болов хайж үзсэн хүн байвал надтай санал нэгдэх байх :)

Асуулт: Дээд зовхины унжилт гэж юу вэ?

Хариулт: Хэвийн нүдтэй хүний хувьд хүүхэн харааны төв цэгээс дээд зовхины ирмэг хүртэлх зай ойролцоогоор 4мм байдаг бол дээд зовхины унжилтын үед хүүхэн хараа хангалттай ил гарахгүй байгаа төлөв байдлыг хэлнэ. Зэргээс нь хамаарч хөнгөн (2~4мм), дунд (0~2mm), хүнд (< 0mm) гэж ангилдаг.

Асуулт: Дээд зовхины унжилттай гэдгээ яаж мэдэх вэ?

Хариулт: Өөрийнхөө төрхийг үргэлж толинд хараад байж чадахгүй тул өөрөө анзаарахад амаргүй байдаг. Мөн толинд харах үед нүдэндээ хүч өгдөг учраас ердийнхөөсөө илүү сэргэлэн харагдах талтай.

Би нүдээ сайн нээж байна гэж бодож байвч эргэн тойрны хүмүүсээс «ядарсан харагдаж байна, нойрмог харагдаж байна, тамиргүй харагдаж байна, сэтгэл санаа чинь таагүй байгаа юм уу...» гэх мэт үгсийг байнга сонсдог бол сэжиглэж үзэх хэрэгтэй. Заримдаа эргэн тойрны хүмүүс намайг надаас илүү сайн таньж мэддэг шүү дээ ^^;

Мэдээж дээд зовхины унжилт нь заримдаа секси бөгөөд нууцлаг мэдрэмжийг төрүүлж болох юм.

Гэвч ихэнх тохиолдолд ийм мэдрэмж төрүүлэх амаргүй бөгөөд ㅠ

Тод, сэргэлэн төрх болон зураас илүү зохидог учраас дээд зовхины унжилтыг засах мэс заслыг хамт хийлгэх тохиолдол их байдаг.

Асуулт: Дээд зовхины унжилт яагаад үүсдэг вэ?

Шалтгааныг нь ерөнхийд нь 4 төрөлд хувааж болно.

1. Булчингийн гаралтай шалтгаан

Хамгийн түгээмэл тохиолдол бөгөөд нүдний хэлбэр засах мэс заслаар хамгийн их үр дүн харах боломжтой. Төрөлхийн нүд нээх булчингийн хүч (чанар) сул байх тохиолдол байхаас гадна, холбоос нь сул байснаас дээд зовхины унжилт үүсдэг.

Сүүлийн үед өнгөт линз (ялангуяа линзний хэмжээ маш том тохиолдолд..) маш чухал шалтгаан болж байна. Линз маш нимгэн боловч зовхины булчингийн талаас харвал маш зузаан бөгөөд хурц, аймшигтай зэвсэг юм.

Нүдээ нээж анихад зовхины булчин линзэнд тээглэж, бага багаар тасарч сулардаг гэж ойлгож болно. ;;

2. Мэдрэлийн гаралтай шалтгаан

Тархины 3-р мэдрэлийн саажилт, Хорнерын хам шинж зэргийн үед дагалддаг.

3. Механик шалтгаан

Нүдний алимны хавдар, нүдний алимгүй байх зэрэг тохиолдолд үүсэж болно.

4. Хуурамч дээд зовхины унжилт

Нүд нээх булчингийн хүч сайн боловч арьсны унжилтаас болж дээд зовхины унжилттай мэт харагдах тохиолдол юм. Тиймээс «хуурамч» дээд зовхины унжилт гэж нэрлэдэг. Энэ тохиолдолд зөвхөн унжсан арьсыг зөв шийдэхэд л нүд маш том харагдах боломжтой.

Асуулт: Тэгвэл дээд зовхины унжилттай бол яаж засаж болох вэ??

Хариулт: Зөвхөн нүдний хүрээнд бол дээд зовхи өргөгч булчинг урагшлуулах мэс засал, Мюллерийн булчинг нугалах мэс засал, дээд зовхи өргөгч булчин + Мюллерийн булчинг тайрах мэс засал, Fasanella-servat (зовхины мөгөөрс-салст бүрхэвч тайрах) мэс засал гэх мэт аргууд байдаг. Нүдний хүрээнээс халиад духны булчинг ашиглах, frontalis sling, fascia lata sling зэрэг олон төрлийн аргууд шаардлагатай болдог.

Дээд зовхины унжилтын тодорхойлолтоос эхлээд оношилгоо, төрлүүдийн талаар авч үзлээ.

Дараагийн удаад дээд зовхины унжилтыг засах арга буюу нүдний хэлбэр засах мэс заслын талаар дэлгэрэнгүй авч үзэх болно.

Өнөөдрийг сайхан өнгөрүүлээрэй!

Зөв бодол, зөв гоо сайхан Ю Ён Мүн